«Күһүҥҥү дьаарбаҥкаҕа» 2 кылаас паннота сөхтөрдө

Үгэс курдук сыл аайы  Кыыллаах орто оскуолатыгар  «Күһүҥҥү дьаарбаҥка“  ыытыллар . Бу бырааһынньыгы оҕолор олус сөбүлүүллэр. Күһүммүт сүрдээҕин уһаата, айылҕабыт кэрэ күстүүтүн өссө да сүтэрэ илик. Маннык үтүө күн, балаҕан ыйын  23 күнүгэр  12   чаастан кыра кылаастарга бырааһынньыктара саҕаланна.

Аан бастаан 4 кылаастар инсценировкаларын саҕалаатылар. 1 кылаастар  «Сүрэхтээх уонна сурэҕэ суох куруолуктар»   кылаас салайааччы (Торговкина Е.М) , 2 кылаастар “Көмүс күһүн” кылаас салайааччы (Яковлева Л.Л),  3 кылаастар “Аныгы эриэппэ“ кылаас салайааччы ( Корнилова Т.Л), 4 кылаастар “Көрдөөх сыаҥка“   кылаас салайаачы (Кугасова Н.Н ).

Дьүллүүр сүбэ түмүгүнэн 3 кылаастар инцсенировкаҕа, панноҕа 2 кылаастар бастыҥ ааты ыллылар. Күүтүлээх күһүҥҥү хомуур киэһэ 5 чаастка зеркальнай заалга улахан кылаастарга саҕаланна.

Кэлии барыы сүпсүлгэн бөҕө киһи эрэ сүргэтэ көтөҕүллүөх курдук. Дьүүллүүр сүбэҕэ оскуола директора Малгаров И.И. оскуола иитэр үлэтин завуһа Банчина Т. А, психолог Слепцова Д.Д олордулар. Сэрэбиэй быһыытынан күрэхи 5 кылаастар саҕалаатылар. Күрэхтэһии үс көрүҥҥэ барда: бастакынан- визитка, иккиһинэн-видеоролик, усуһунэн-реклама көрдөрдүлэр. Уопсай тумуккэ 6 кылаастар 1 миэстэни ыллылар кылаас салайааччы ( Петрова О.Н), 2 миэстэни 7 кылаастар кылаас салайааччы ( Желлаева С.Н), 3 миэстэни 10 кылаастар кылаас салайааччы ( Арылахова В.П).  Куоҥкурс кэннэ күүтүүлээх дискотека буолла.

Надя Акимова, 8 кылаас үөрэнээччитэ.

Добавить комментарий

Ваш e-mail не будет опубликован.

Лимит времени истёк. Пожалуйста, перезагрузите CAPTCHA.