Улаатан эрэбит

Биһиги иккис кылааска үөрэнэбит. Кылааспытыгар 13 -пүт, уолаттарбыт аҕыстар, кыргыттар бэһиэбит. Учууталбыт аата Евдокия Михайловна, кини биһигини ааҕарга, суруйарга үөрэппитэ. Улаатан үчүгэйдик ааҕар, суруйар буоллубут.

Чемпорова Юля, Кугасова Саша, Максимов Валентин туйгуннук үөрэнэбит. Егоров Петя, Пшенникова Сааскылаана, Кузьмин Слава үөрэхтэригэр үчүгэйдэр.

Оскуолабытыгар күһүҥҥүттэн саҕалаан араас тэрээннэр, куонкурустар бөҕө буолаллар. Күһүн «Өлгөм үүнүү» бырааһынньыгар араас оҕуруот астара буолбуппут. Саҥа дьылга «Чысхаан уонна Сур бөрө» остуоруйаны көрдөрбүппүт. Россия Армиятын күнүгэр десантниктар буолан, иккис миэстэни ылбыппыт. Үһүс чиэппэр ортотугар нуучча биллиилээх суруйааччыта И.А.Крылов 120 сааһын туолар үбүлүөйүгэр «Саһыл уонна туруйа» үгэтин куукуланан оонньоон көрдөрбүппүтүн хайҕаабыттара. Аны спортсмен уолаттардаахпыт, Торговкин Клим, Егоров Петя тустууга, Максимов Валентин буоксаҕа сылдьаллар. Ону таһынан Чемпорова Юля, Торговкин Сим саахымакка, үҥкүүгэ кыргыттартан Юля, Саша, Анна сылдьабыт.

Роботехниканы Ньургун Леонидович ыытар, онно Юля дьарыктанар. Өссө конференцияларга, олимпиадаҕа ситиһиилээхтик кыттабыт. Өрөспүүбүлүкэтээҕи «Я юный исследователь» оройуоннааҕы кэмпириэнсийэлэргэ Юля үһүс, Егоров Петя анал номинацияҕа тиксибиттэрэ.

Оскуола иһинээҕи космос тематыгар оҥоһуктарга Иванова Эвелина, Кугасова Саша кыайыылаах аатын ыллылар, Макарова Аня сертификат, Юля диплом туттулар. Билигин кылааһынан олоҥхо толорорго үөрэнэ сылдьабыт. Кылгастык кылааспыт туһунан кэпсээтэххэ ситинник солуннардаахпыт.

Кылаас аатыттан суруйдулар Кугасова Саша, Чемпорова Юля.