Сочига сынньалаҥ

Мин бу сайын дьоннорбун уонна дьиэ кэргэмиин табаарыстарын Чердоновтары кытта Сочига баран кэллибит. Сочи сүрдээх улахан куорат эбит. Ып-ыраас, күп-күөх, хайаҕа турар.

Биһиги аан бастаан Сочига көтөн иһэммит Москваҕа тохтоон ааспыппыт. Оно сыалай биэс чааһы быһа олорбуппут, ол биэс чааһы быһа таах олорботохпут, биһиги «Домодедово» диэн аэропорду барытын кэрийбиппит. Наһаа улахан эбит. Онтон Сочига которбутугэр самолекка олорон муораны көрөргө наһаа үчүгэй этэ, сып-сырдык өҥнөөх этэ. Сочига бэйэтигэр тиийэн баран, биһиги эрдэттэн куортамнаабыт дьиэбитигэр барбыппыт, уон үс этээстээх дьиэ этэ. Бастакы күммүтүгэр  «Парк Ривьера» диэҥҥэ барбыппыт. Ол паарка наһаа улахан эбит. Эҥин арааһынай аттракционнар бааллар. Онтон «Олимпийский» паарка5а бара таарыйа «Сочи Парк» диэн саамай улахан пааркаҕа сылдьыбыппыт. Ол иһигэр улахан американскай горка баар, онно биир тыһыынчаны төлөөн элбэх аттракциоҥҥа сылдьаҕын. Ордук «Паук» диэн аттракциону сөбүлээтим, элбэх түһүүлээх, тахсыылаах сир.

Онтон биһиги улахан  «Роза Хутор» диэн хайаҕа тахса сылдьыбыппыт, 1720 миэтэрэ үрдүктээх, үөһэ сөрүүн буолар эбит.

Өссө сотору соҕус буолан баран Абхазия  Гагра диэн куоратыгар барбыппыт барбыппыт, онно былыргы замоктар бааллар. Айылҕата наһаа кэрэ.

Икки күн муораҕа сөтүөлээтибит, уута наһаа сылаас, долгуҥҥа уйдара сылдьан сөтүөлүүр наһаа да астык эбит. Ыраах дельфиннэри көрбүппүт, ону таһынан дельфинарийга олох чугастан өссө илиибитинэн тириитин тутан көрбүппүт. Тириитэ хайдах эрэ эрэһиинэ курдук буолар эбит.

Биир күн «Аквалоо» диэн аквапаркаҕа сырыттыбыт, муора уута киирэ турар . Онно биһиги биир күнү быһа сөтүөлээбиппит.

Ити курдук, быйыл сайын мин дьиэ кэргэнинэн дуоһуйа сынньанан, саҥаны билэн –көрөн кэллибит. Маннык үчүгэй сынньаланы бэлэхтээбит ийэбэр Максимова Полина Еремеевнаҕа, аҕабар Максимов Валерий Иннокентьевичка улахан махтал.

Түгэнинэн туһанан, күн күбэй ийэбин Ийэлэр күннэринэн итиитик-истиҥник эҕэрдэлиибин! Куруук үөрэ-көтө, сырдыгынан сыдьаайа сырыт.

Максимов Никита, 8 кылаас.

One thought on “Сочига сынньалаҥ

Добавить комментарий

Ваш e-mail не будет опубликован.

Лимит времени истёк. Пожалуйста, перезагрузите CAPTCHA.