Саҥа дьылы көрсө оҕолорбут ситиһиилэрэ

Инникигэ хардыы 2015

Кыыллаах оскуолатын оҕолоро барыга бары көхтөөхтөр, сайдыылаахтар. Элбэх күрэхтэһиигэ, олимпиадаларга кытыннылар, элбэҕи ситистилэр. Ол курдук сэтинньи 20 кунугэр Улахан Муҥкуга культурнай-спортивнай комплекс аһыллыытыгар аналлаах улуустааҕы хапсаҕай күрэҕэ буолан ааста. Бу күрэхтэһиигэ 80-тан тахса оҕо кэлэн кытынна, Тээнэттэн, Токоттон, Даппарайтан, Урицкайтан, Хороттон, бэл, Киргизияттан кытта кэлэн кытыннылар.

Ол күрэххэ биһиги оскуолабытыттан 30 киилэ ыйааһыҥҥа 1 миэстэни ылла Ноев Никита-6кыл үөрэнээччитэ, 35 киилэҕэ киирсэн 3 миэстэни ылла Романов Захар (6кыл), 45 киилэҕэ 2 миэстэни Кайдалов Максим (9кыл.), 60 киилэҕэ киирсэн 2 миэстэни ылла биһиги кылааспыт үөрэнээччитэ Корнилов Костя(10кыл.) уонна (11кыл.) үөрэнэччитэ Корнилов Виталий 3 миэстэҕэ тигистэ.

Сэтинньи 27 күнүгэр 2-Нөөрүктээйи орто оскуолатыгар “Көмүс дорҕоон” 1-кы фольклорнай фестивальга Троицкайтан, Хороттон, Абаҕаттан, 2-Нөөрүктээйиттэн, Даппарайтан уонна 1-Нөөрүктээйиттэн кэлэн кытыннылар. Бу фестивальга кыра оҕолорго хомуска “Симэх” ансаамбылбыт 2 миэстэ, “Тэтим” ударнай-инструментальнай ансаамбыл лауреат үрдүк аатын сүктэ (сал. Лавернова Р.Е.) , «Айылгы” норуот ырыатын ансаамбыла 1 истиэпэннээх лауреат буолан, үөрүү өрөгөйун биллилэр (сал. Акимова О.А.).

Саахыматчыттарбыт, дуобатчыттарбыт да хаалсыбаттар.

Ол курдук ахсынньы 5 күнүгэр Үҥкүр нэһилиэгэр саахымат күрэхтэһиитигэр Лыткин Афоня (10кыл.) 1миэстэни, Кугасова Надя (7кыл.) 2 миэстэни ыллылар (сал. Иванов А.А.). Сити күн 2-Нөөрүктээйигэ дуобат күрэхтэһиитэ буолан ааста 1 миэстэни Нахова Даша, Романова Лена (7кыл.), Ларионов Матвей, 3 миэстэни Корнилова Нина (9кыл.), Морохоев Максим (11кыл.), Кугасов Тимур (1кыл.) ыллылар (сал. Нахов В.А.). Ахсынньы 12 күнүгэр Хоро нэһ. улуус бочуоттаах гражданина Филиппов А. Я. кэриэһигэр аналлаах дуобакка өрөспүүбүлүкэтээҕи турнир буолан ааста Нахова Даша  (11кыл) 1миэстэ, Ларионов Матвей (9кыл.) 2 миэстэ, Акимов Федя (8кыл.) 3 миэстэ буоллулар.

Өрөспүүбүлүкэтээҕи буокса турнирыгар Торговкин Денис (7кыл.) үөрэнээччитэ 3 миэстэ буолла (сал. Павлов В.В.).

Ахсынньы 19 күнүгэр «Инникигэ хардыы” конференцияҕа Токо оскуолатыттан 1 очукуонан хаалан биьиги оскуолабыт улууска бочуоттаах 2 миэстэни ылла. Сэттэ оҕо кыттыыны ылбытыттан 4 оҕо миэстэлэстэ, техническэй секцияҕа (9кыл.) Алексеев Василий-3миэстэ, (11кыл.)Худаев Николай-2миэстэ,(сал.) Малгаров И.И. Кузьмин Александр-2миэстэ (сал. Корнилова С.Н) “Муода уонна дизайн» секцияҕа (5кыл.) Корнилова Лида-3 миэстэ (сал.) Малгарова З.С.

Бу күннэргэ улууска робототехникаҕа быыстапкаҕа кыттан Макаров Денис (6кыл.) диплом ылла. Ону таһынан мини-футболга биһиги көхтөөх уолаттарбыт 1 миэстэ, Корнилов Тимур (11кыл.) «Лучший нападающий» номинацияҕа тигистэ.

Сити курдук, оскуола олоҕо күөстүү оргуйар. Кылаастар аны Саҥа Дьылы көрсөөрү бэлэмнэнэллэр.

Аида Никитина, Андрей Латышев,
Кыыллаах орто оскуолатын 10 кылааhын үөрэнээччилэрэ.