Олоҥхолоон – Артекка!

View this post on Instagram

Олоҥхолоон – Артекка! Мин аатым Надя Акимова, 10 кылаас үөрэнээччитэбин. "Эрчимэн Бэргэн" олоҥхону ахсыс кылаастан саҕалаан үөрэппитим. Аан бастаан миигин олоҥхоҕо эбэм Пелагея Михайловна угуйбута, кини быраата Валентин Гаврильевич Исаков олоҥхолуур эбит. Олоҥхом матыыбын, тойугун бастаан саха тылын учуутала Августина Саввична Корнилова үөрэппитэ, онтон Саха театрын артыыската Василина Васильевна Баланова матыыптары байытан биэрбитэ. Дьэ, ол кэннэ "Алгыс" кулууппут худруктара Ольга Афанасьевна Акимова, Федор Радомирович Попов салҕыы дьарыктаабыттара. Ольга Афанасьевна бастаан оройуон иһинээҕи күрэхтэргэ элбэхтик кытыннарбыта, салҕыы "Бриллиантовые нотки" куонкурска "Гран-при" буолбутум, онтон "Ритм" диэн күрэххэ "Лауреат 1 степени" буолбутум. Ити ситиһиилэрим миигин үөһээ кынаттаан, быйыл бүтүн Аан дойдутааҕы "Артек" лааҕырга 21 хонукка сынньанан кэллим. Лааҕырбыт Крымҥа Симферополь куоракка Хара муора кытыытыгар турар. Төһө да балаҕан ыйын бүтүүтэ буоллар, онно олох күөҕүнэн чэлгийэн турар этэ. 14-с этэрээккэ түбэспитим, биирдии этэрээккэ 24 оҕо, үс баһаатай үлэлиир этилэр, күн аайы араас тэрээһиннэр, көрдөөх оонньуулар, куонкурустар тиһигин быспакка ыытыллыбыттара. Аны күн өрүү-өрүү 4 уруокка үөрэнэр этибит. Бары предмеккэ барытыгар үөрэммиппит. Үөрэҕи олох ыарырҕаппатаҕым, үксэ туйгун сыаналарга үөрэммитим, кэлбиппэр учууталларым олус үөрбүттэрэ. Бастатан туран махтаныам этэ эбэбэр Пелагея Михайловнаҕа олоҥхоҕо уһуйбутугар, кини олоҥхо тыынын өйбөр-санаабар иҥэрбитигэр. Махтанабын О.П. Акимоваҕа, Ф.Р. Поповка уонна улаханнык махтаныам этэ төрөппүттэрбэр, миигин наар өйүүр Л.Е.Даниловаҕа, үөрэппит учууталларбар #олонхо #артек #кыллахскаясош

A post shared by Кыллахская школа (@kyllakhschool) on