Маҥнайгы учууталбыт Октябрина Лазаревна

Мээнэҕэ маҥнайгы учууталга элбэх ырыа, хоһоон, кэпсээн анамматаҕа. Тоҕо диэтэр, бастакы учуутал диэн биһиэхэ аан маҥнай билии-көруу аанын аһааччы, олох киэҥ аартыгын арыйар киһи. Биһиэхэ итинник киһинэн, куускэ таптыыр, аан бастакы учууталбыт Октябрина Лазаревна буолар. Бастакы кылааска кириэхпититтэн хас да дьоллоох сыл ааһан, быйыл онус кылааска уктэннибит. Ол да буоллар Октябрина Лазаревналыын атаарбыт умнуллубат туөрт сылбытын мэлдьи ахта саныыбыт.

Бу маннык үтүө, холку майгылаах учуутал биһиэхэ тубэспитигэр олус диэн үөрэбит. Кини үөрэтэригэр биһиги саҥа билии ылаары хас күн ахсын оскуолабытыгар үөрэ-көтө кэлээччибит. Октябрина Лазаревна биһигини үтүө майгыга, ыраас санааҕа, киһилии сыһыаҥҥа уөрэппитэ. Бэйэтэ оҕоҕо сыстаҕас буолан, ханнык баҕарар ыарахан темалары сүрдээх судургутук, киһи өйүгэр дөбөҥнүк тиийэр гына быһаарар ураты дьоҕурдааҕа. Ол курдук улахан кылааска тахсан точнай наука предметтэрыгэр улаханнык ыарырҕаппатахпыт. Араас олимпиадаларга, научнай конференцияларга хас биирдиибитин олуһун дьириҥник бэлэмнээбитэ биһиэхэ билигин сүрдээҕин туһалыыр.

Кини үтүө майгыта бастакы кылаас эрдэхпититтэн көстүбүтэ. Бэйэтин бириэмэтин кэрэйбэккэ эҥин араас оҕону сайыннарар араас тэрээһиннэри ыытара. Холобур, саас, сайын халлаан сылыйда даҕаны кылааспытынан айылҕаҕа тахсан сынньанааччыбыт, бириэмэбитин сүрдээх туһалаахтык атаараар этибит.

Билигин санаан ыллахха, олус да кэрэ кэмнэр ааспыттар эбит. Түгэнинэн туһанан, Учуутал күнүнэн тапталлах бастакы учууталбытын, Октябрина Лазаревнаны, итиитик-истиҥник ис сурэхпититтэн эҕэрдэлиибит. Доруобай буол, куруук үөрэ-көтө сырыт, биһиги Эйигин куруук уйэ-саас тухары өйдүү-саныы сылдьыахпыт! Махталы кытта Эн үөрэппит оҕолорун онус кылаас үөрэнээччилэрэ.

Кылаас аатыттан суруйдулар Корнилова Айталы-Куо, Егомина Таня

Добавить комментарий

Ваш e-mail не будет опубликован.

Лимит времени истёк. Пожалуйста, перезагрузите CAPTCHA.