Лааҕырым туһунан

Күлүмүрдээн турбут сайыммыт түргэнник да ааста. Быйылгы лааҕырбыт үс сезоҥҥа үлэлээтэ. Бастакы сезон лааҕырыгар сибэккилэри олордуу, сүбүөкүлэ, моркуоп ыһыытыгар сылдьыбыппыт, хаппыыста сыыһын ыраастаабыппыт. Салайааччыбыт Кугасова Ю. Б. этэ, иитээччилэринэн Желлаева С. Н., Банчин Нь. Л. үлэлээтилэр. Отут биир оҕо сынньанна. Оҕуруот үлэтин таһынан араас оонньуулар, биэчэрдэр ыытылыннылар.

Лааҕырбыт аһыллыытыгар оҕолор бары кыттыбыппыт, отут биир оҕоттон үс хамаанда буолбута, биир хамаандаҕа уоннуу оҕо этэ. Саамай үчүгэй түгэннэрбиттэн кэпсиэм, биьиги хамаандабыт аата ‘’Клоуннар’’ диэн этэ. Куонкуруспут түөрт түһүмэхтээх этэ, биһиги төрдүс түһүмэххэ кыайбыппыт, хаһыаппытыгар командирбыт Акимова Саша клоуну бэрткэ уруһуйдаабыта, араас баҕа санаабытын суруйбуппутун жюрибыт интэриэһиргээбитэ, бастакы миэстэни биэрбитэ, ‘’Слайд шоуга’’ лааҕырдааҕы  хаартыскаларын көрдөрөн, Арылахова Лера командата кыайыылаах тахсыбыта.

Ону таһынан оскуолаҕа хоммуппут, түүннэри мультик, киинэ көрбүппүт, күн тахсыыта утуйбуппут. Лааҕырбыт сабыллыытыгар хоно барыахтаах этибит да, сатамматаҕа, ол да буоллар ардах быыһыгар шашлыктаабыппыт, аһаан бөҕө буолбуппут, балааккабытын ардах курдаттыы да түстэр наһаа элбэҕи кэпсэтэн-ипсэтэн  бэһиэлэйдик сылдьыбыппыт. Поварбыт Макарова Р. П. наһаа минньигэстик астааччы. Күһүн сүүс аҕыс уонча  куул хортуоппуйу, уончалыы куул сүбүөкүлэни, моркуобу, баһаам куул хаппыыстаны быһан, кыһын остолобуойга аһыырбытын толору хаачынныбыт. Онон сайыммытын олус туһалаахтык атаардыбыт.

Корнилова Саргылана, 8 кылаас, Кыыллаах орто оскуолата.

Добавить комментарий

Ваш e-mail не будет опубликован.

Лимит времени истёк. Пожалуйста, перезагрузите CAPTCHA.