И. Н. Кульбертинов 100 сааhын керсе аhа5ас уруок

Соторутааҕыта алтынньы 31 күнүгэр сэттис уонна алтыс кылаастарга история учуутала Яковляв.В.С,олохтоох уонна оскуола библиотекардара Корнилова.О.И,Макарова.А.П,саха биллиилээх снайпера И.Н.Кульбертиновка анаан уруокк ыыттылар.Библиотекардар снайпер олоҕун,фроҥҥа хайдах сэриилэспитин кэпсээбиттэрэ ол кэнниттэн сэттис кылаастар оҕолоро Кульбертиновка анаан хоһоон аахпыттара . Юҥкордор салайааччылара, И.Н.Кульбертинов таайынан сиэнэ, Юлия Борисовна бииргэ төрөөбүттэрин туһунан кэпсээбитэ,аймахтарын туһунан кинигэ көрдөрдө.

Юлия Борисовна кыыһа Ася, алтыс кылаас үөрэнээччитэ,бэйэтин суруйбут хоһоонун ааҕан иһитиннэрдэ.Бу уруокка өссө снайпер сэриилэһэ сылдьар документальнай киинэтин олус интэриэһиргээн көрдүбүт.Уон сыллааҕыта олохтоох мелодист Мария Ларионова айбыт ырыатын уолаттар ансаамбыллара ыллаабыттарын иһиттибит,ол оҕолор үксүлэрэ устудьуоннуу сылдьаллар.Онон бу уруокка биир дойдулаахпыт туһунан олус элбэҕи биллибит-көрдүбут.

Өлүөхүмэ,Кыыллаах орто оскуолатын

алтыс кылаас үөрэнээччитэ Арылахова Саша.

 

Биэс көлуөнэ көрсуһуутэ

Сэтинньи ахсыс күнүгэр оскуолабыт правительствота Өктөөп Өрөбөлүүссүйэтэ сүүс сааһын туолуутун көрсө, урукку өктөбүрүөнэктэри,пионердары,комсомолецтары ыҥыран,сүрдээх үчүгэй тэрээһини ыытта.Хас биирдии бөлөх бэйэтэ туспа кэпсээннээх,ырыалаах буолла.Өктөбүрүөнэктэр значоктара сулус, ол сулус ортотугар Ленин түөрт саастааҕар түспүт мэтириэтэ баар,ону оҕолор тутан-хабан көрбүттэрэ.Ол кэнниттэн аны пионердар тэрилтэлэрин туһунан кэпсээбиттэрэ.Хаалтыһы хайдах баанарга,тоҕо үс муннуктааҕын быһаардылар.Биир кылгас муннуга-өктөбүрүөнэк,уһуна-пионер,кэннэ-комсомол,холбуур түмүгэ коммунист аатын көрдөрөр.Хаалтыһыҥ куруук ыраас,өтууктээх буолуохтаах,сыыһа-халты бааныа суохтааххын.Пионер төрөөбүт күнүгэр, кутаа уот оттон,тула ырыа ыллыыллар,оонньууллар эбит.Аны комсомолецтар хаартыскаларын,комсомольскай билиэттэрин көрдөрбүттэрэ.Оскуолаҕа үөрэнэ сылдьан,араас мероприятие бөҕө ыытыллар эбит.Комсомолга оҕону барытын ылбаттар эбит,аны киирэргэ устаабы нойосуус үөрэтиэхтээххин,барыга бары көхтөөх,бэрээдэктээх буолуохтааххын.Саамай кырдьаҕас көлүөнэттэн В.С,С.М.Малгаровтар ыалдьыттаатылар.Музей хайдах тэриллибитин,Норуоттар доҕордоһууларын кулуубун хайдах үлэлэппиттэрин кэпсээтилэр.Биһиги ийэлэрбитин, аҕаларбытын араас куораттарынан сырытыннарбыттара оҕо саас үтүө өйдөбүлэ буолан сылдьар.Көрсүһүү бүтэһигэр бары хаартыскаҕа түстүбүт,доҕордоһуу туһунан ырыа ыллаатыбыт.

Онон каникулбут сурдээх туһалаахтык ааста.

Өлүөхүмэ,Кыыллаах орто оскуолатын 6 кылааһын үөрэнээччитэ Корнилова Карина

Добавить комментарий

Ваш e-mail не будет опубликован.

Лимит времени истёк. Пожалуйста, перезагрузите CAPTCHA.