Иллээх кылааспыт

20160116_102321

Кыыдааннаах кырыа кыһыммыт ааһа охсон, сандал сааспыт мичилийэн тиийэн кэлэн, хайыы-үйэ хаарын ууллара охсон, ньургуһуммут тахсан, өрүспүт мууһа кыйданан, самаан сайын тиийэн кэллэ. Бу сылбыт олус түргэнник ааһа охсон эрэр. Күһүн салла-салла бэһис кылааска саҥа үөрэнэр эрэр курдук этибит.

Улахан кылаастары кытта үөрэнэр наһаа үчүгэй эбит. Биһиги кылааспытыгар уопсайа уон алта оҕо баар. Олоҥхоҕо курдук, сэттэ кыталык кыыс, тоҕус туруйа уолаттардаахпыт. Биһиги сүрдээх иллээх-эйэлээх кылааспыт. Кылааспыт салайааччыта Желлаева Светлана Николаевна. Старостабыт аата Корнилов Виталий. Уолаттарбыт боксаҕа сөбүлээн сылдьаллар, оттон кыргыттарбыт волейболу сөбүлүүллэр. Саҥа дьылга мааскаҕа “Звездные войны» буолбуппут, киинэтин курдук кыргыттар маҥан плащ тиктибиппит, уолаттар хара плащтаахтар этилэр. Үһүс бириистээх миэстэҕэ тиксибиппит. Саҥа таас оскуолаҕа киирбиппит алта сылын туолуутугар торт оҥорууга бастакы миэстэни ылан наһаа үөрбүппүт.

Ааспыт нэдиэлэҕэ “Сушимейкер” диэн ааттаах сушины тута астааһыҥҥа, остуол сервировкатыгар күрэхтэспиппит. Биһиги кылааспытыттан үс кыыс кыттыбыта. Атын кылаастарга уолаттардаах этилэр, эһиил хайаан да кытыннардахха табыллыыһы. ”Самое оригинальное блюдо” номинацияҕа тиксибиппит.

Ити курдук, олус үчүгэйдик үөрэнэн, саҥа элбэх табаарыста- нан үөрэхпит сылын түмүктээн эрэбит. Аны күүтүүлээх сайыммыт барахсан кэлэн эрэрэ үчүгэйиэн! Кыыллаах арыыбыт барахсан ыраас уутугар сөтүөлүөхпүт, ходуһатыгар лууктуохпут, хаптаҕастыахпыт буоллаҕа.

Анастасия Иванова, 5 кылаас.