Доҕор

Мин аатым Федоров Сеня, Кыыллаах орто оскуолатын 5 кылааһын үөрэнээчитэбин.

Темам аата: Бастыҥ доҕор хайдах буолуохтааҕый?

Ойор – тэбэр оҕо сааска

Ойор күнү сырсыһан

Орой мэник уолан буолан

Ойо – тэбэ оонньуубут

Доҕор, атас элбэх буолар. Оттон дьиҥнээх доҕор эмискэ көстүбэт. Өс хоһооно баар холобур: Умса түстэҕинэ сүүһүттэн өйүүр, иттэнэ түстэҕинэ кэтэҕиттэн өйүүр. Ким доҕордоох, ол дьоллоох. Атас туһугар атах тостор, доҕор туһугар тобук тостор.

Мин чугас табаарыһым миигин кытта бииргэ үөрэнэр Шепелов Толя буолар.

Биһиги бииргэ оскуолаҕа кэлэбит, үөрэнэн бүттүбүт да бииргэ барабыт.

Толя үөрэҕэр туйгуннук үөрэнэр, билиигэ – көрүүгэ тардыһар, түргэнник, чаҕылхайдык эппиэттэһэр. Сылын ахсын  “Инникигэ хардыы” научной конференция – конкурска кыттыыны ылар. Быйыл Өрөспүүбүлүкэҕэ баран кыттан кэллэ.

Дьиэ үлэтин, мас – мастааһыны, уу баһыытын этиппэккэ бириэмэтигэр толоробут. Ол кэннэ көҥүллэтэн оонньуубут, штаб игин тутабыт, сайыҥҥы өттүгэр балыктыырбытын сөбүлүүбүт.

Бастыҥ доҕор сымыйалыа, үлэттэн сүрэҕэлдьиэ суохтаах. Кырдьаҕаһы, улахан дьону убаастыахтаах, дьоҥҥо үтүө санаалаах көмөлөһөн киэҥ көҕүстээх буолуохтаах дии саныыбын.

Дьиҥнээх күүстээх санаалаах, олоххо дьулуурдаах, өһөс киһи үчүгэйи оҥорор, сыалын ситиһэр.

Мин табаарыспанан киэн туттабын, майгыта олус үчүгэй, хаһан да миигин хомоппутун өйдөөбөппүн, ханнык да түгэҥҥэ миигин өйдүүр, көмө буолар.

Атас туһугар атах тостор, доҕор туһугар тобук тостор.

 

   Салайааччы: Полина Еремеевна

                             Максимова социальный педагог.